2026 жылғы 2 маусым күні мектебімізде «Өнерлі ұрпақ – ел мақтанышы» тақырыбында оқу жылының қорытындысына арналған салтанатты марапаттау рәсімі ұйымдастырылды.
Іс-шараның басты мақсаты – оқу жылында үздік нәтиже көрсеткен, білім мен өнерді қатар алып жүрген дарынды оқушыларды марапаттау және олардың жетістіктерін насихаттау.
Мерекелік шара барысында оқу озаттары, пәндік олимпиадалар мен түрлі шығармашылық байқауларда мектеп абыройын асқақтатқан оқушылар арнайы дипломдармен, алғыс хаттармен марапатталды.
Салтанатты жиында мектеп әкімшілігі мен ұстаздар қауымы оқушыларды жеткен жетістіктерімен құттықтап, олардың алдағы уақытта да биік белестерді бағындыруына тілектестік білдірді. Сонымен қатар, шәкірттердің табысты болуына үлес қосқан ата-аналарға да ризашылық сөздер айтылды.
«Өнерлі ұрпақ – ел мақтанышы» атты шара жас ұрпақтың білімге, өнерге және шығармашылыққа деген ынтасын арттырып, олардың еңбегін бағалаудың жарқын үлгісі болды.
Мектебіміздің мақтанышына айналған барлық оқушыларды шын жүректен құттықтаймыз және жаңа жетістіктер тілейміз!
